அலுவலகக் காலக்கெடு, குழந்தையின் வீட்டுப்பாடம், வீட்டுக்கான மளிகைச் சாமான்கள், குடும்ப வாட்ஸப் குழு என்று இந்த அன்றாட பல பணிகளில் நம்மில் பல பெண்கள் ஒரு ‘சூப்பர் வுமன்’ ஆகவே மாறிவிடுகிறோம்.
ஆனால், எல்லாவற்றையும் கவனிக்கும் இந்த அவசரத்தில், நம்முடைய ஆரோக்கியத்தை மட்டும் கடைசிப் பெட்டியில் பூட்டி வைத்துவிடுகிறோம், இல்லையா? இது நம் உடல் நலனை மட்டுமல்ல, மன நலனையும் சேர்த்தே அமைதியாக அரிக்கிறது. ‘வருமுன் காப்போம்’ என்பது வெறும் பழைய பழமொழி அல்ல; இன்றைய வேகமான வாழ்க்கைக்கு அது ஒரு முக்கியமான மந்திரம். நோய்கள் கதவைத் தட்டுவதற்கு முன், நாம் உஷாராகிவிட வேண்டும்.
ஆரம்பத்திலேயே கண்டறிந்தால், பெரும்பாலான நோய்களைச் சுலபமாக நிர்வகித்துவிட முடியும். இதற்கு உதவுவதுதான் இந்த வழக்கமான ஆரோக்கிய பரிசோதனை. இந்தப் பெண்களுக்கான பரிசோதனைகள் தான், ஆரோக்கியமான எதிர்காலத்திற்கு நாம் செய்யும் சிறந்த முதலீடு.
எனவே, இந்தத் தொடரில், வயது வாரியாகப் பெண்கள் செய்ய வேண்டிய முக்கிய பரிசோதனைகள் என்னென்ன என்பதை விரிவாகவும் எளிமையாகவும் அலசப் போகிறோம்.
வாருங்கள், நமது ஆரோக்கியப் பயணத்தை 20-களில் இருந்து தொடங்குவோம்.
20-கள்: ஆரோக்கியத்துக்கான அஸ்திவாரம்!
20-கள்… வாழ்க்கை ஒரு ஜாலியான பார்ட்டி போலத் தெரியும். காலேஜ், முதல் வேலை, நண்பர்கள், கனவுகள்… இந்தக் கொண்டாட்டங்களுக்கு நடுவில், ‘ஹெல்த் செக்கப்’ என்பதெல்லாம் ஒரு போரான விஷயமாகத் தோன்றலாம். ‘நமக்கெல்லாம் என்ன ஆகப்போகுது?’ என்ற ஒரு அசட்டுத் தைரியம் நமக்குள் ஒளிந்திருக்கும். ஆனால், புத்திசாலித்தனம் என்பது இதுதான்: நம்முடைய எதிர்கால ஆரோக்கியத்துக்கு ஒரு வலுவான அஸ்திவாரம் போட இதுவே சரியான நேரம்.
முதலில், நாம் பேசத் தயங்கும் ஆனால் கட்டாயம் பேசித் தீர்க்க வேண்டிய ஒரு விஷயம்: நமது பாலியல் சுகாதாரம் மற்றும் இனப்பெருக்க ஆரோக்கியம். இந்தியாவில் பெண்களுக்கு ஏற்படும் புற்றுநோய்களில் கர்ப்பப்பை வாய்ப் புற்றுநோய் (cervical cancer) இரண்டாவது பெரிய பிரச்சனையாக இருக்கிறது. இது ஒரு கசப்பான புள்ளிவிவரம்தான். ஆனால், நல்ல செய்தி என்னவென்றால், இதை ஆரம்பத்திலேயே கண்டறிவது மிகச் சுலபம்.
அதற்கான இரண்டு முக்கிய ஆயுதங்கள் உள்ளன :
- பேப் ஸ்மியர்ப் பரிசோதனை (Pap smear test): இதை ஒரு துப்பறியும் வேலை என்று வைத்துக் கொள்ளலாம். 21 வயது முதலே, மூன்று அல்லது ஐந்து வருடங்களுக்கு ஒருமுறை இந்தச் சோதனையைச் செய்துகொள்வது, புற்றுநோய் செல்களோ அல்லது வேறு ஏதேனும் பிரச்சனைகளின் தொடக்கமோ இருக்கிறதா என்று உஷார்ப்படுத்திவிடும்.
- HPV டெஸ்ட் (HPV Test): கர்ப்பப்பை வாய்ப் புற்றுநோயை உண்டாக்கும் அந்த வைரஸ் நம் உடலில் ஒளிந்திருக்கிறதா என்று கண்டுபிடித்துச் சொல்லிவிடும் ஒரு முக்கியமான பரிசோதனை இது.
அடுத்ததாக, பாலியல் ரீதியாகப் பரவும் நோய்த்தொற்றுகள் (Sexually Transmitted Infections – STD). இதன் அறிகுறிகள் பல நேரங்களில் வெளியே தெரியாது என்பதுதான் இதில் இருக்கும் பெரிய சிக்கல். அவை அமைதியாக இருந்து, பின்னர்ப் பெரிய பிரச்சனைகளைக் கொண்டு வரலாம். எனவே, தேவைப்பட்டால் ஒரு STD பரிசோதனை (STD Test) செய்துகொள்வது புத்திசாலித்தனம். பாதுகாப்பற்ற உடலுறவு ஏற்பட்டால், வருடம் ஒருமுறை எச்.ஐ.வி பரிசோதனைச் செய்துகொள்வது நம் மன அமைதிக்கு அவசியம்.
இவை மட்டுமல்ல, 18 வயதில் இருந்தே நமது பொதுவான ஆரோக்கியத்தின் அறிக்கை அட்டையான இரத்த அழுத்த பரிசோதனை (blood pressure check) செய்துகொள்வது ஒரு நல்ல பழக்கம். இளம் வயதிலேயே ஏற்படும் உயர் இரத்த அழுத்தம் (high blood pressure), பிற்காலத்தில் இதய நோய் (heart disease) மற்றும் பக்கவாதம் போன்ற பெரிய ஆபத்துகளுக்கு அபாய அறிகிற காட்ட ஒரு காரணமாக அமைந்துவிடும்.
ஆக, 20-களில் நாம் செய்யும் இந்தப் பெண்களுக்கான பரிசோதனைகள் வெறும் பரிசோதனைகள் மட்டும் அல்ல; அவை நமது 30, 40 மற்றும் அதற்குப் பிறகான ஆரோக்கியமான வாழ்க்கைக்கு நாம் போடும் காப்பிட்டுத் திட்டம். இந்தப் பெண்களுக்கான முக்கிய பரிசோதனைகள் நம் எதிர்காலத்தைக் காக்கும் ஒரு கவசம்.
20-களின் பரிசோதைச் செய்யவேண்டிய பரிசோதனைகளின் பட்டியல் முடிந்தது. அடுத்து 30-களில் நம் உடல் என்னென்ன மாற்றங்களைச் சந்திக்கிறது, அப்போது பெண்கள் செய்ய வேண்டிய முக்கிய பரிசோதனைகள் என்னென்ன என்று பார்ப்போமா?
30-கள்: வாழ்க்கையின் அடுத்த நிலை ஆரோக்கியத்தின் முக்கிய நிலை!
30-களைத் தொடும்போது வாழ்க்கைத் திடீரென அடுத்த நிலைக்கு மாறுகிறது. வேலை ஒரு பக்கம் ராக்கெட் வேகத்தில் பறக்கிறது, குடும்பப் பொறுப்புகள் மறுபக்கம் ஆரம்பிக்கின்றன. இந்த வேகத்தில், நமது ஆரோக்கியம் பின்சீட்டுக்குத் தள்ளப்படுவது சர்வ சாதாரணம். ஆனால், நமது உடலின் ஆரோக்கியத்தை உத்திரவாதம் செய்து மேம்படுத்த வேண்டிய காலகட்டமும் இதுதான்.
முதலில், மார்பகப் புற்றுநோய் (Breast Cancer). பெயர்க் கொஞ்சம் பயமுறுத்தினாலும், ஆரம்பத்திலேயே இதைக் கண்டறிவது ரொம்பவே எளிமை. அதற்கான முதல் படி, மார்பகச் சுயபரிசோதனை. மாதம் ஒருமுறை, உங்கள் மார்பகங்களில் ஏதேனும் கட்டிகள், அசாதாரண திரவ வெளியேற்றம் அல்லது தோலில் மாற்றம் தெரிகிறதா என நாமே பரிசோதனைச் செய்துகொள்வது ஒரு நல்ல பழக்கம். உங்கள் குடும்பத்தில் யாருக்காவது இந்தப் பாதிப்பு இருந்திருந்தால் (family history), தாமதிக்காமல் மருத்துவரை அணுகி உரிய மார்பகப் புற்றுநோய் ஸ்கிரீனிங் (screening) செய்துகொள்வது புத்திசாலித்தனம்.
அடுத்த பிரச்சனை, தைராய்டு. ‘நான் சரியாத்தான் சாப்பிடுறேன், ஆனாலும் எடைப் போடுது’ அல்லது ‘எப்பப் பாரு சோர்வா இருக்கு’… இந்த விஷயங்களை நீங்கள் அடிக்கடி சொல்கிறீர்கள் என்றால் அதற்குக் காரணம், உங்கள் கழுத்தில் பட்டாம்பூச்சி வடிவில் அமர்ந்திருக்கும் அந்தத் தைராய்டு சுரப்பியாக இருக்கலாம். ஒரு எளிமையான தைராய்டுப் பரிசோதனை, இந்தச் சந்தேகங்களுக்கு விடைச் சொல்லி, ஆரம்பத்திலேயே பிரச்சனையைச் சரிசெய்ய உதவும்.
முன்பெல்லாம் 50+ வயதினரின் பிரச்சனையாக இருந்த வகை 2 நீரிழிவு நோய் (Type 2 Diabetes), இப்போது நம் தலைமுறையினரின் கதவையும் தட்டுகிறது. இதுதான் யதார்த்தம். எனவே, 30-களிலேயே ஒரு நீரிழிவுப் பரிசோதனைச் செய்துகொள்வது ஒரு சிறந்த முடிவு. குறிப்பாக, குடும்ப வரலாறு அல்லது உடல் பருமன் இருந்தால், இந்தச் சோதனையைத் தள்ளிப்போடவே கூடாது. கூடவே, நம் உடலின் ஆற்றல் வாங்கி என்று சொல்லப்படும் வைட்டமின் டி, பி12 மற்றும் ‘ஆற்றல் அளவுகளை’ நிர்ணயிக்கும் ஹீமோகுளோபின் அளவுகளைச் சரிபார்க்கும் இரத்த பரிசோதனைகளும் முக்கியம்.
ஆக, இந்த 30-களில் நாம் செய்யும் இந்தப் பெண்களுக்கான பரிசோதனைகள் நமது ஆரோக்கிய வங்கியின் கணக்கில் நாம் முதலீடு செய்யும் ஒரு வாய்ப்பு நிதி மாதிரி. இந்தப் பெண்களுக்கான முக்கிய பரிசோதனைகள்தான், 40-களில் நுழையும்போது நம்மை நலமாகவும் ஆரோக்கியமாகவும் வைத்திருக்கப் போகும் அடித்தளம்.
அடுத்து, 40 வயதின் சவால்களையும், அப்போது பெண்கள் செய்ய வேண்டிய முக்கிய பரிசோதனைகள் என்னென்ன என்பதையும் பார்ப்போம்.
40-கள்: வாழ்க்கையின் நடுவில் ஓரு சிலிர்ப்பு… ஆரோக்கியத்திற்கான ஒரு மாறுதல் !
40 வயதை எட்டுவது என்பது வாழ்க்கையின் ஒரு முக்கியமான திருப்பு முனை. இது ஒருவித வாழ்க்கையின் நடுவில் சிலிர்ப்பு என்றும் சொல்லலாம். நம் உடலின் இயக்க அமைப்பு ஒரு பெரிய மேம்பாட்டுக்குத் தயாராகிறது என்று வைத்துக்கொள்ளுங்களேன். இந்த மேம்பாட்டின் பெயர்தான் மாதவிடாய் நிறுத்தம் (menopause). இந்தக் காலகட்டத்தில் உடல் பல புதிய மாற்றங்களைச் சந்திப்பதால், நம்முடைய ஆரோக்கியத்தில் கூடுதல் கவனம் வைப்பது ஒரு சிறந்த முடிவு.
முதலில், மார்பகப் புற்றுநோய் (Breast Cancer). இந்த வார்த்தையே ஒருவிதப் பதற்றத்தை உண்டாக்கும், இல்லையா? ஆனால், யதார்த்தம் என்னவென்றால், 40-களில் இதன் அபாயம் சற்றே அதிகரித்தாலும், ஆரம்பத்திலேயே இதைக் கண்டுபிடிப்பது மிக மிக எளிது. அதற்கான ஒரு முக்கியமான பாதுகாப்பு கவசம்தான் மேமோகிராபி (Mammography). இதை இரண்டு வருடங்களுக்கு ஒருமுறைச் செய்துகொள்வது, தேவையற்ற பயங்களிலிருந்து நமக்கு விடுதலைக் கொடுக்கும்.
அடுத்து, நம் உடற்கட்டமைப்பின் அஸ்திவாரம், அதாவது எலும்புகள். வயது ஏறும்போது, இந்த அஸ்திவாரம் கொஞ்சம் வலுவிழந்து ஆஸ்டியோபோரோசிஸ் (Osteoporosis) என்ற நிலைக்குப் போக வாய்ப்புள்ளது. நம் எலும்புகளின் ‘வலு’ எப்படி இருக்கிறது என்று பரிசோதனைச் செய்யும் ஒரு பரிசோதனைத் தான் எலும்பு அடர்த்தி சோதனை (Bone Density Test). இது நமது மாதவிடாய் நின்றபிறகு ஆரோக்கியத்தை (Post-menopausal health) சிறப்பாக நிர்வகிக்கப் பெரிதும் உதவும்.
கடைசியாக, நம் உடலின் இயந்திரம் – இதயம். வேலை, குடும்பம் என இரட்டைக் குதிரைச் சவாரி செய்யும் இந்த வயதில், நம் இதயத்தின் மீது கூடுதல் சுமை ஏறுவது சகஜம். எனவே, ஒரு முழுமையான இதயப் பரிசோதனை (heart checkup) செய்துகொள்வது அவசியம். குறிப்பாக, இரத்தத்தில் ஒளிந்திருக்கும் தேவையில்லாத கெட்ட கொழுப்பைக் கண்டறியும் கொழுப்பு அளவுப் பரிசோதனை (cholesterol test), பிற்காலத்தில் வரக்கூடிய இதய நோய் (heart disease) ஆபத்துகளுக்கு ஒரு ஆபத்து அறிகுறி காட்டிவிடும். அமெரிக்க இதயச் சங்கத்தின் படி 4-6 வருடங்களுக்கு ஒருமுறை இதைச் செய்வது நலம். இவற்றுடன், பெருங்குடல் மற்றும் தோல் புற்றுநோய் போன்ற மற்ற பெண்களுக்கான முக்கிய பரிசோதனைகள் குறித்தும் மருத்துவரிடம் ஒரு வார்த்தைப் பேசுவதுப் புத்திசாலித்தனம்.
ஆக, 40-களுக்கான இந்தச் சரிபார்ப்பு பட்டியலில் இருக்கும் பெண்கள் செய்ய வேண்டிய முக்கிய பரிசோதனைகள், நமது அடுத்தகட்ட வாழ்க்கையை ஆரோக்கியமாகவும் ஆனந்தமாகவும் வாழ உதவும் ஒரு வழிகாட்டி.
மேலும் வாசிக்க : உடலுக்குள் ஒரு எட்டிப்பார்ப்போமா? இரத்த பரிசோதனையின் முக்கியத்துவம்!
ஆரோக்கியத்திற்கான முதலீடு : இது ஒரு குழுவின் முயற்சி !
20-களில் ஆரம்பித்து 40-கள் வரை நாம் பார்த்த இந்தப் பெண்கள் செய்ய வேண்டிய முக்கிய பரிசோதனைகள் அடங்கிய பட்டியல், கொஞ்சம் நீளமாகத் தெரிந்திருக்கும்.
நிச்சயமாக. ஆனால், இதை ஒரு வருடாந்திரச் சுமையாகப் பார்க்காதீர்கள். இது ஒரு தேவையான ஆரோக்கிய முதலீடு’. பங்குச் சந்தை முதலீட்டைவிட, நம்முடைய ஆரோக்கியமான எதிர்காலத்திற்காக நாம் செய்யும் மிக முக்கியமான முதலீடு இது.
ஆக, இந்தப் பெண்களுக்கான பரிசோதனைகளைத் தள்ளிப்போடும் வழக்கத்திற்கு முதலில் ஒரு முழுப்புள்ளி வைப்போம். மருத்துவரின் நியமங்களை நமது மாதாந்திரப் பட்ஜெட் போல, அல்லது வாராந்திரச் சந்திப்புகளைப் போலத் திட்டமிடுவது ஒரு வாழ்க்கை முறையாக மாறட்டும். நம் ஆரோக்கியம் என்பது நம்முடைய தனிப்பட்ட விஷயம் மட்டுமல்ல; அது ஒரு குடும்பத்தின் சந்தோஷத்தோடு பின்னிப் பிணைந்தது என்பதுதான் யதார்த்தம். இதைப் பற்றி வெளிப்படையாகப் பேசுவது, பல தேவையற்ற தயக்கங்களையும், தவறான புரிதல்களையும் உடைக்கும்.
இங்குதான் நம் துணையின் பங்கு ஒரு ‘வாழ்க்கை மாற்றியாக’ மாறுகிறது. பரிசோதனைக்கு நியமனம் வாங்கியாச்சா ? என்று அக்கறையாய்க் கேட்பதிலும், அந்த நாளில் கூடவே வருவதிலும், ஆரோக்கியம் என்பது ஒரு குழு முயற்சி என்பதை அவர்கள் உணர்த்துவதிலும் ஒரு நவீன உறவின் அழகே இருக்கிறது. ஆக, நமது ஆரோக்கியப் பயணத்தில் துணை நிற்போம், துணைச் சேர்ப்போம். ஆரோக்கியமான பெண்களே ஒரு ஆரோக்கியமான சமூகத்தின் அடித்தளம்.
இதில் ஒரு சின்ன கவனிக்கவேண்டிய விஷயம் உள்ளது. இந்தத் தகவல்கள் பொதுவான விழிப்புணர்வுக்காக மட்டுமே. இது உங்கள் குடும்ப மருத்துவருக்கு மாற்று அல்ல. எந்த ஒரு மருத்துவ முடிவுக்கும் உங்கள் மருத்துவரை அணுகி ஆலோசனைப் பெறுவதே எப்போதும் புத்திசாலித்தனம்.
