வாய் துர்நாற்றம்: காரணங்களும் தீர்வுகளும் – ஒரு முழுமையான அலசல்

ஒரு முக்கியமான சந்திப்புகளில்லோ அல்லது நண்பர்களிடமோ பேசும்போது, மற்றவர்கள் லேசாக முகத்தைச் சுளிப்பதுபோலத் தோன்றுவதும் பக்கத்தில் நின்று பேசவே கொஞ்சம் தயக்கமாக இருப்பதும் நம்மில் பலருக்கும் இருக்கலாம். இந்தத் தர்மசங்கடத்திற்கு (Embarrassment) வாய் துர்நாற்றம் ஒரு முக்கியக் காரணமாக இருக்கலாம். இதற்கு மருத்துவ உலகில் ‘ஹலிடோசிஸ்’ (Halitosis) என்று ஒரு குறிப்பிட்ட பெயர் வைத்திருக்கிறார்கள். இது ஏதோ ஒரு சிலருக்கு மட்டும் வரும் அபூர்வப் பிரச்சினை இல்லை; நம்மில் பலரும் அன்றாடம் சந்திக்கும் ஒரு சகஜமான விஷயம்தான்.

ஆனால் இதன் தாக்கம் சாதாரணமானதல்ல. பேசும் விஷயத்தைவிட, பேசும்போது வரும் வாசம் சில சமயம் முக்கியமாகி, நம் தன்னம்பிக்கையையே அசைத்துப் பார்த்துவிடும். அவசரமாக ஒரு சூயிங்கம் மெல்வதோ, மவுத்வாஷ் பயன்படுத்துவதோ ஒரு தற்காலிக முதலுதவி மட்டுமே. பிரச்சினையின் ஆணிவேரைக் கண்டுபிடிப்பதுதான் புத்திசாலித்தனம்.

எனவே, இந்தக் கட்டுரையில் நாம் வெறும் மேலோட்டமான தீர்வுகளைப் பற்றிப் பேசப்போவதில்லை. மாறாக, வாய் துர்நாற்றத்திற்கான காரணங்கள் மற்றும் தீர்வுகள் என்னென்ன என்பதை ஆழமாக ஆராயப் போகிறோம். ஒரு நல்ல வாய் ஆரோக்கியம் (Oral Health) என்பது புத்துணர்வான சுவாசத்தை மட்டும் தருவதில்லை; அது நமது தன்னம்பிக்கையை (Improved self-confidence) மாரு நிரப்புதல் (Recharge) செய்யும் ஒரு ஆற்றல் வங்கி போன்றது. வாருங்கள், முதலில் வாய் துர்நாற்றம் காரணம் என்ன என்பதைத் தெளிவாகப் புரிந்துகொண்டு, பிறகு அதற்கான சிறந்த வாய் துர்நாற்றம் தீர்வுகள் என்ன என்பதைப் பற்றி விரிவாகப் பார்ப்போம்.

துர்நாற்றத்தின் ஆணிவேர் : நம் அன்றாடப் பழக்கங்கள்!

வாய் துர்நாற்றத்தின் முதல் குற்றவாளி யார் என்று விசாரித்தால், கை நீட்டப்படும் முதல் இடம் நம்முடைய வாய் தான். குறிப்பாக, நாம் சரிவரச் செய்யாத வாய் சுகாதாரம் (Poor oral hygiene). நாம் சாப்பிட்ட பிறகு, பற்களின் இடுக்குகளில் ஒளிந்துகொள்ளும் உணவுத் துகள்கள், அங்கே ஒரு பார்ட்டியே நடத்த ஆரம்பித்துவிடும். இந்தக் கொண்டாட்டத்திற்கு அழைக்கப்படாத விருந்தாளிகள்தான் பாக்டீரியாக்கள் (Bacteria). இவைப் பெருகி, பற்கள்மீது `பிளேக்` (Plaque) என்ற பெயரில் ஒரு வெள்ளைக் கோட்டையையே கட்டிவிடுகின்றன. இந்த அத்துமீறிய குடியிருப்பிலிருந்துதான் துர்நாற்றம் கிளம்புகிறது. இதுவே வாய் துர்நாற்றம் காரணம் என்பதற்கான முதல் புள்ளி.

ஆனால், விஷயம் அத்துடன் முடிந்துவிடுவதில்லை. நம்முடைய நவீன வாழ்க்கைமுறைப் பழக்கவழக்கங்களும் இந்த `ஹலிடோசிஸ்` (Halitosis) பிரச்சினைக்கு மேலும் தூண்டுதலாகின்றன. குறிப்பாக, விடாமல் குடிக்கும் காபி (Coffee), அவ்வப்போது பற்றவைக்கும் சிகரெட் (Tobacco use / Smoking) மற்றும் மது அருந்துதல் போன்றவை நம் வாயை வறட்சியாக்கி விடுகின்றன. இதற்கு மருத்துவத்தில் ஜெரோஸ்டோமியா (`Xerostomia`) அல்லது வறண்ட வாய் (`Dry Mouth`) என்று பெயர்.

எதற்காக வாய் வறட்சியைப் பற்றி இவ்வளவு பேசுகிறோம் என்றால், நம் வாயில் சுரக்கும் உமிழ்நீர் (Saliva) என்பது ஒரு 24/7 இயங்கும் இயற்கையாகச் சுத்தம் செய்யும் காரணியை (Natural Cleaning Service) போன்றது. அதுதான் வாயில் உள்ள குப்பைகளை அவ்வப்போது கழுவி, கெட்ட பாக்டீரியாக்களைக் கட்டுக்குள் வைத்திருக்கிறது. இந்தச் சுத்தம் செய்யு சேவை நின்றுபோனால் என்ன ஆகுமமென்றால் பாக்டீரியாக்களுக்குக் கொண்டாட்டம்தான்! அவைக் கட்டுப்பாடு இல்லாமல் வளர்ந்து துர்நாற்றத்தை அதிகமாக்கிவிடும்.

இவைப் போதாதென்று, நாம் சாப்பிடும் சில உணவுகளும் தற்காலிக எதிரிகளாக மாறும். வெங்காயம், பூண்டு போன்ற உணவு பொருட்களின் தீவிரமான மணம் கொண்ட உணவுகள் (Strong-smelling foods) சாப்பிட்டதும், அவற்றில் உள்ள சில ரசாயனங்கள் ரத்தத்தில் கலந்து, நாம் மூச்சு விடும்போது நுரையீரல் வழியாக வெளியேறி, நேற்று நாம் சாப்பிட்ட உணவு என்ன என்பதை நம்மைச் சுற்றியிருப்போருக்குப் பட்டவர்த்தனமாக அறிவித்துவிடும். மேலும், உடல் எடையைக் குறைக்கிறேன் என்று சிலர்ப் பின்பற்றும் குறைந்த கார்போஹைட்ரேட் உணவு முறை அல்லது நீண்ட நேர உண்ணாவிரதம் இருக்கும்போதும், உடலில் கொழுப்பு உடைக்கப்பட்டு `கீட்டோன்கள்` (Ketones) என்ற ஒருவகை ரசாயனம் உருவாகி, அதுவும் ஒருவிதமான துர்நாற்றத்தை ஏற்படுத்திவிடும்.

இப்போது, வாய் துர்நாற்றத்திற்கான காரணங்கள் எவை என்று ஒரு தெளிவான சித்திரம் கிடைத்திருக்கும். அடுத்து, இந்தச் சிக்கல்களுக்கான சிறந்த வாய் துர்நாற்றம் தீர்வுகள் என்னென்ன என்பதைப் பற்றி விரிவாகப் பார்ப்போம்.

செயல்முறைத் திட்டம் : துர்நாற்றத்தை விரட்டும் தினசரிப் பழக்கங்கள்

பிரச்சினையின் ஆணிவேர் என்னவென்று இப்போது நமக்குத் தெரியும். சரி, அடுத்தது என்னவென்றால் செயலில் ஈடுபட வேண்டியதுதான். வாய் துர்நாற்றத்தல் இருந்து விடைபெற, இதோ சில எளிமையான ஆனால் சக்திவாய்ந்த வாய் துர்நாற்றம் தீர்வுகள். இதன் முதல் படி, ஒரு முறையான வாய் சுகாதாரம் (Oral Hygiene) வழக்கத்தை நம் வாழ்க்கையின் ஒரு பகுதியாக மாற்றிக்கொள்வதுதான்.

ஒரு கச்சிதமான வாய் சுகாதாரப் பழக்கம் என்பது மூன்று முக்கிய அத்தியாயங்களைக் கொண்டது:

1. பல் துலக்குதல் (Brushing teeth): இது ஒரு நாளைக்கு இரண்டு முறை, காலையிலும், இரவு தூங்குவதற்கு முன்பும், கட்டாயம் செய்ய வேண்டிய ஒரு சடங்கு. மூன்று மாதங்களுக்கு ஒருமுறை உங்கள் பல் துலக்கிய மாற்றுவதை ஒரு நாட்காட்டி நினைவூட்டியாக அமைத்து விடுங்கள். பழைய பல் துலக்கி, பாக்டீரியாக்களின் ஓய்வூதிய இல்லமாக மாறிவிடும்!

2. ஃப்ளோசிங் (Flossing daily): பல் துலக்கி ஒரு அருமையான கருவி என்றாலும், அது நுழைய முடியாத பற்களின் இடுக்குகளில் ஒளிந்திருக்கும் உணவுத் துகள்களை வெளியேற்ற ஃப்ளோசிங்கிற்கு (Flossing) ஒரு சிறப்புச் சக்தி உண்டு. தினமும் ஒருமுறை ஃப்ளோஸ் செய்வது, இந்த மறைந்திருக்கும் எதிரிகளை வெளியேற்றிவிடும்.

3. நாக்கைச் சுத்தம் செய்தல் (Tongue cleaning / scraping): பாக்டீரியாக்களுக்குப் பற்களைப் போலவே நாக்கும் ஒரு பிடித்தமான இடம். குறிப்பாக, நாக்கின் மேல்பரப்பு ஒரு வரவேற்ப்பு கம்பளம் போல அவற்றை வரவேற்கும். எனவே, பல் துலக்கும்போது நாக்கையும் சுத்தம் செய்வது அவசியம். ஒரு நல்ல ‘நாக்கு ஸ்கிராப்பர்’ (Tongue scraper) பயன்படுத்தினால், இன்னும் சிறப்பான பலன்களைப் பார்க்கலாம்.

இவற்றுடன், போதுமான நீரேற்றம் (Hydration), அதாவது நிறையத் தண்ணீர்க் குடிப்பது, நம் வாயை வறண்டு போகாமல் பார்த்துக்கொள்ளும் ஒரு இயற்கையான கழுவும் முறை. அது வாயில் தேவையற்ற துகள்களை அவ்வப்போது கழுவிவிடும்.

அவசரமாக ஒரு சந்திப்பில் பேச வேண்டும், ஆனால் இந்த வாய் துர்நாற்றத்திற்குப் பயந்துகொண்டு நேரம் இல்லை என்று கூறும் சூழ்நிலைச் சிலருக்கு ஏற்பட்டிருக்கலாம். இது போன்ற அவசரத் தேவைகளுக்குச் சில இயற்கை வீட்டு வைத்தியங்கள் (Natural & Home Remedies) தற்காலிகமாக உதவும். ஒரு கிராம்பு (Clove) அல்லது சில பெருஞ்சீரகம் (Fennel seeds) வாயில் போட்டு மெதுவாக மெல்லும்போது, அது ஒரு தற்காலிக நறுமணத்தை அளிக்கும். ஆனால் நினைவில் கொள்ளுங்கள், இது ஒரு பெர்ஃப்யூம் போலத்தானே தவிர, குளியலுக்கு மாற்றாகாது. தற்காலிகமாகப் பயன்படுத்தலாமே தவிர இதுவே தீர்வாகாது.

நிரந்தரத் தீர்விற்கு, வழக்கமான பல் பரிசோதனைகளைத் தவறாமல் செய்துகொள்வது புத்திசாலித்தனம். ஆறு மாதங்களுக்கு ஒருமுறை ஒரு பல் மருத்துவரைச் சந்தித்து, பற்களைத் தொழில்முறையாகச் சுத்தம் செய்யும்போது, வீட்டில் நாம் எடுக்கும் முயற்சிகளுக்குத் தப்பிவிடும் பற்காரை (Plaque) போன்ற விடாப்பிடியான கறைகள் முழுவதுமாக அகற்றப்படும்.

ஒருவேளை, இவ்வளவு செய்தும் பலன் இல்லையென்றால், ‘நான் எல்லாத்தையும் சரியாகத்தான் பண்றேன், ஆனாலும் இந்த வாசனைப் போக மாட்டேங்குது’ என்று நீங்கள் நினைத்தால், பிரச்சினை உங்கள் வாயில் இல்லை. உங்கள் உடலின் வேறொரு பகுதியிலிருந்து வரும் ஒரு எச்சரிக்கை அறிகுறியாக அது இருக்கலாம். அதைப் பற்றி அடுத்த பகுதியில் விரிவாக அலசுவோம்.

மேலும் வாசிக்க :  உங்கள் குட்டி குழந்தைகளின் புன்னகைக்கு அஸ்திவாரம் போடுவது எப்படி?

வாய் வெறும் உணவு உண்பதற்கு அல்ல… உடலின் முக்கியமான எச்சரிக்கை மணி !

சரி, நீங்கள் சொல்வதெல்லாம் அப்பிடியே பின்பற்றுகிறோம். பல் துலக்குகிறோம், ஃப்ளோஸ் செய்கிறோம், நாக்கையும் சுத்தப்படுத்துகிறோம்… இவ்வளவு செய்தும், இந்தத் துர்நாற்றம் மட்டும் விடாப்பிடியாக நம்மைத் துரத்துகிறது என்றால், பிரச்சினை நம் வாயில் இல்லை என்று அர்த்தம். வாய் இங்கே ஒரு செய்தி பரப்பி மட்டுமே; வாய் தரும் செய்தி நம் உடலின் உள்ளிருந்துதான் வருகிறது.

ஒருவிதத்தில், தொடர்ச்சியான வாய் துர்நாற்றம் (Chronic Bad Breath) என்பது நம் உடல் நமக்கு அனுப்பும் ஒரு அவசர SOS சிக்னல். இதிலிருந்து தெரிவது என்னவென்றால், வாய் சுகாதாரம் மட்டுமே எப்போதும் வாய் துர்நாற்றம் காரணமாக இருப்பதில்லை. தீவிரமடையும் ஈறு நோய் (Gum Disease), பல் சொத்தை (Tooth decay) ஒருபுறம் என்றால், மறுபுறம் செரிமான கோளாறுகள் (Digestive disorders), கட்டுப்பாட்டில் இல்லாத நீரிழிவு நோய் (Diabetes), ஏன், சிறுநீரக நோய் (Kidney disease) போன்ற சில அடிப்படை மருத்துவ நிலைகளின் (Underlying Medical Conditions) வெளிப்பாடாகக் கூட இது இருக்கலாம்.

எனவே, உங்கள் முதல் படி, உடனடியாக ஒரு பல் மருத்துவரை (Dentist) சந்திப்பதாக இருக்க வேண்டும். அவர் உங்கள் வாய் ஆரோக்கியத்தை முழுமையாக ஸ்கேன் செய்து, பிரச்சினை ‘லோக்கல்’ அல்லது ‘குளோபல்’ என்று சொல்லிவிடுவார். தேவைப்பட்டால், ஒரு பொது மருத்துவரிடம் (General Physician) உங்களைப் பரிந்துரைப்பார்.

இந்த மாதிரி தீவிரமான நிலைகளில், வாய் துர்நாற்றத்திற்கான காரணங்கள் மற்றும் தீர்வுகள் மருத்துவ ஆலோசனையின் பேரில்தான் முடிவாகும். ஆனால், நூற்றுக்குத் தொண்ணூறு பேருக்குப் பிரச்சினை இவ்வளவு தீவிரம் இல்லை. அவர்களுக்கான சிறந்த வாய் துர்நாற்றம் தீர்வுகள் நம் அன்றாடப் பழக்கங்களிலேயே ஒளிந்திருக்கின்றன. அந்தப் புத்துணர்வான சுவாசத்தையும், தன்னம்பிக்கையையும் மீண்டும் மறு நிரப்புதல் செய்ய நாம் என்ன செய்ய வேண்டும் என்பதை அடுத்தகட்டமாகப் பார்ப்போம்.

ஒரு புத்துணர்வான இறுதி குறிப்புகள்

ஆக, இவ்வளவு தூரம் அலசியபிறகு, இந்த வாய் துர்நாற்ற பிரச்சினைக்கு என்னதான் தீர்ப்பு என்று யூகிக்கும் பொது, நூற்றுக்குத் தொண்ணூறு சதவிகித வழக்குகளில், இதற்கான சிறந்த வாய் துர்நாற்றம் தீர்வுகள் ரொம்பவே எளிமை, இந்தத் தீர்வுகளைச் செயல்முறைப் படுத்துவதற்கான முக்கியமான விஷயங்கள் நம் கைகளிலேயேதான் இருக்கிறது.

தினமும் ஒரு சில நிமிடங்கள் ஒதுக்கிச் செய்யும் ஒரு முறையான வாய் சுகாதாரம் (Oral Hygiene) மற்றும் அவ்வப்போது தண்ணீர்க் குடித்து வாயை ஈரப்பதத்துடன் வைத்திருக்கும் ஒரு சின்ன நீரேற்றம் (Hydration) பழக்கம் இவைதான் அந்தச் சாவி. இந்தச் சின்ன வாழ்க்கைமுறை மாற்றங்கள் நமக்குப் புத்துணர்வான சுவாசத்தை மட்டும் தராது; அது நம்மை அறியாமலேயே சரிந்துபோன நமது தன்னம்பிக்கையை (Improved self-confidence) மீண்டும் மேம்படுத்துதல் செய்யும் ஒரு சக்திவாய்ந்த வழிமுறை.

ஒருவேளை, இந்த எல்லாக் குறிப்புகளையும் பின்பற்றியபிறகும் பயன் இல்லை என்று நாம் கவலைப்படத் தேவையில்லை. தயக்கமே இல்லாமல் ஒரு பல் மருத்துவரை (Dentist) சந்தித்து ஒரு நிபுணர்க் கருத்து கேட்பதுதான் அடுத்த திறமையான செயல்.

இனி தயக்கங்கள் வேண்டாம். உங்கள் புன்னகையும் பேச்சும் புத்துணர்ச்சியுடன் வெளிப்படட்டும்!